चौका बरतन-साहिल

चौका बरतन कुल कर सुतली 
उठे में तनकी देर भईल
भोरे भोरे मेहरी आ के 
लस्सी नीयन फेंट गईल l 

फोन लगवली अधिकारी के 
साहेब ई का अंधेर भईल
सबसे बड़की बेमारी त 
हमरा घरही में फइल गईल l 

बहुत भईल इ लॉकडाउन अब
साहेब जल्दी बुलवाई।
अइसन न हो ये साहेब हम
खटते खटते  मरि जाईं l 

ओहर से हमरे साहेब के
सुनी का जवाब मिलल।
झाड़ू पोंछा करत बानी हो 
खाये के ना कबाब मिलल

साहेब क इ बात साहिल के 
दिल के अंदर  बेंध गईल
कोरोना के  फेर में देखी
मरदन के का हाल भईल ll 

-----संतोष साहिल, गाजीपुर की कलम से